Abba De Istiu

LETRA

Abba De Istiu

Su nuscu 'e sa terra mia
durche che fraula 'olaiat
isperdidu in s'aera,
isperdidu in sa notte et in su tempus
e intr'a mie...perdidu intr'a tie.

Su tastu 'e sa pitzinnia,
filuferru falaiat
caente in sa 'ula mia,
caente in su coro et in su sambene
e intr' a mie...caente che a tie.

Infundet totu s'alenu meu,
sididu soe de abba de Deus.
Falet che riu in sa cara mia,
apo gana de abba de istiu.
Oh, 'eo m' intendo biu.

S'iscortza 'e s'anima mia
tosta che rocca pariat,
forte che temporada,
forte che fera e lebia che un'ispera
andaiat...perdida intr'a tie.

Infundet totu s'alenu meu,
sididu soe de abba de Deus.
Falet che riu in sa cara mea,
apo gana de abba de istiu.
Oh, 'eo m'intendo biu.

Si sa vida est tot'innoe
ei sa morte est tot'innoe
cherzo istare umpar'a tie,
tue ses abba de Deus,
tue ses abba de istiu.

Infundet totu s'alenu meu,
sididu soe de abba de Deus.
Falet che riu in sa cara mia,
apo gana de abba de istiu.
Oh, 'eo m'intendo biu.