Torna A Surriento

LETRA

Torna A Surriento

Vide 'o mare quant'è bello!
Spira tanta sentimento
Comme tu, a chi tiene mente,
Ca, scetato, 'o faje sunná!

Guarda quá' chistu ciardino,
Siente sié' sti sciure 'arancio
Nu prufumo accussí fino,
Dint''o core se ne va

E tu dice: "Io parto, addio!"
T'alluntane da stu core
Da sta terra de ll'ammore,
Tiene 'o core 'e nun turná?

Ma nun mme lassá,
Nun darme stu turmiento
Torna a Surriento:
Famme campá!

Vide 'o mare de Surriento
Che tesore tene 'nfunno:
Chi ha girato tutt''o munno,
Nun ll'ha visto comm'a ccá!

Guarda, attuorno, sti Ssirene
Ca te guardano 'ncantate
E te vònno tantu bene:
Te vulessero vasá!

E tu dice: "Io parto, addio!"
T'alluntane da stu core
Da sta terra de ll'ammore,
Tiene 'o core 'e nun turná?

Ma nun mme lassá,
Nun darme stu turmiento
Torna a Surriento:
Famme campá!

Torna a Surriento:
Famme campá!

Más abajo encontrarás canciones relacionadas con Torna A Surriento.