Addo' fernesce 'o mare

LETRA

Addo' fernesce 'o mare

E currimmo cu"e mmane astrignute
‘ncopp"a rena cucente e salata
Ma che bella jurnata è schiarata

Sott"o sole ‘e sta bella città
Sta terrazza che vista che tene
N'atu munno me pare ‘e sta ccà
Pure ll'aria prufuma ‘e stu bbene
Che priezza a sti core lle dà.

E nuje guardammo là
Addò fernesce ‘o mare
Addò accummencia ‘o suonno
Addò n'angulo ‘e cielo
Pare l'immensità
Nuje ce vasammo ccà
Addò ce stà l'ammore
Ch'astregne sti dduje core
Addò n'abbraccio pare
Fosse l'eternità!
Addò fernesce ‘o mare
addò accummencia ‘a sera
addò migliare ‘e luce
brillano
ricche ‘e felicità!

Ce guardammo tremmanno, affannate,
lusingate ‘e sta favula antica
aspettanno ca scenne ‘a nuttata
sott"a luna 'e sta bella città.
Io me specchio ‘int"a st'uocchie tuoje belle
‘int"e braccia te faje piccerella…
Dio pecchè nun c'ha dato ddoje scelle
Comm'aucielle pe' farce vulà…